新冠肺炎疫情持續，大部分藝人留家避炎也愛入廚煮幾味，人人變身做大廚！孫慧雪深夜放「毒」，在社交網上載她手持紅豆砵仔糕的照片，並說是她親自炮製的，引起不少網友興趣，向她詢問食譜。
事隔一晚，阿雪今日在網上分享自己拍攝的教學片段，留言︰「見大家都好有興趣，我好努力咁剪咗呢條片，不過要成功，要配合返（番）大家用嘅爐頭，電子爐就要調熱啲，如果本身個爐好大馬（火）力，調糖漿唔好咁熱（太熱會杰（稠）咗，咁就要加水），但又要趁熱快手倒入稀米漿，再快手倒入碗，咁啲紅豆先有懸浮效果～～整整吓就知我講乜㗎啦！#雪子一分鐘料理教室 #自家製砵仔糕」
