【用呼拉圈量度距離】姜濤21歲生日出新歌 盼疫情快減退 (21:31)

文章日期:2020年04月29日

人氣組合MIRROR成員姜濤明天(30日)生日,推出第4首個人單曲《蒙著嘴說愛你》,盼在新冠肺炎疫情下,為樂迷帶來正能量。新歌是以疫情借題發揮,鼓勵大眾,姜濤說:「歌詞鼓勵大家即使戴住口罩,都可以將想講嘅嘢講出嚟,不過歌曲最想表達的,是依家遇到乜嘢困難,或人生遇到乜嘢困難,其實都應該堅持落去,因為冇乜嘢係解決唔到,包括呢個疫情。」

為了達至最佳效果,經理人花姐特別找來她的師父、林嘉欣老公袁劍偉執導MV,組合ERROR成員肥仔更為MV編舞,MIRROR隊友Lokman、AK、Anson Lo及Edan亦會於MV客串。姜濤解釋今次安排:「MIRROR有12個人,疫情下唔希望太多人聚集一齊工作,所以隨機抽咗幾個同我一齊拍,因為新歌唔係關乎我一個人嘅歌,而係關乎所有人嘅歌,所以想多啲人參與。」

政府早於3月底實施「限聚令」,雖然MV開拍時,拍外景未需要申請不反對通知書,但袁導都構思了別開生面的表達手法,好等MV可在室內拍攝,不過在拍攝期間,眾人如非必要都嚴守1.5米的距離,姜濤與肥仔不用埋位時,更認真得用呼拉圈量度距離,場面搞笑。

姜濤在一些小習慣上都略作改變,以應付疫情,他說:「因為拍MV期間真係冇辦法戴口罩,所以盡量同人講嘢都保持一定距離,飲嘢都只會飲自己嗰啲,唔會搞錯,因為平時都會隨便飲其他人嘅嘢,依家就唔會了!另外仲有勤洗手,一cut機有時間就會即刻洗手。」

由於疫情關係,近日姜濤除了工作以外,都不會外出,就連MIRROR隊友都很久沒見,他說:「好多工作都停晒,所以拍呢個MV算係大家呢一個月以嚟第一次見,疫情期間我試過最長留喺屋企一、兩個禮拜,喺屋企都係練歌。」明天是姜濤21歲生日,被問到生日願望,姜濤表示希望疫情盡快減退:「因為唔單止牽扯到更多人嘅生命安全,而且疫情快啲好番,大家就好快回復正常工作,可以盡快同大家見面。呢個都算係自私嘅願望,因為疫情好番,有好多工作計劃就可以繼續進行。」

(即時娛樂)