朱智賢（Ashley）被揭背住男友謝東閔偷會已為人夫且將於下月做老竇的黎振燁，朱智賢昨日在謝東閔陪同下舉行記者會時聲淚俱下，雖連講6次「對唔住」，卻未向腹大便便的黎太道歉。背妻出軌的黎振燁傳已獲太太原諒，有指兩人原本昨天也會現身記者會，但黎太突然改變主意，亦有傳她其實是身體不適才臨時甩底。
言論向來出位的前港男梁裕恆（Flow Leung），就在社交網鬧爆黎振燁，指當年一齊參選港男時已覺黎振燁為人虛偽。他說︰「當年扮好男人真係極嘔心，一大班港男港姐傾計（偈），佢刻意行開話『我唔可以同其他女仔傾偈，費事老婆介意』，做比（畀）工作人員睇，做比（畀）高層睇，但真係over咗囉，一大班人閒話幾句正常社交，而（依）家又唔係叫你單獨去荒山野嶺食蛋糕，有咩問題？啲戲過份（分）左（咗）就假﹗」
梁裕恆愈講愈嬲，斥黎振燁趁老婆大肚去「偷食」是「賤中之賤」。他說：「大佬，你老婆佗住你個bb嫁（㗎）！真係好男人唔洗（使）日日搬個老婆出嚟掛喺嘴邊唸咒咁，我係好男人我係好男人x100。」
