李幸倪（Gin Lee）近日推出新歌《敢》，為配合歌曲主題，Gin接受多個挑戰，日前更獻出人生第一次，透過視像通話整蠱遠在馬來西亞的爸爸，欺騙對方自己為了宣傳新歌，偷偷在手腕上紋身。孝順女Gin事前緊張滴汗，與父親感情要好的她，還斷言對方絕對不會相信：「從未試過呃爸爸，我覺得佢會笑囉，好緊張。」
接通電話後，Gin按照原定計劃，向爸爸透露近日忙為新歌宣傳，並接受了一連串考驗，她小心翼翼地向父親道歉：「打嚟想同你講唔好意思，因為我冇事先同你講，希望你唔好嬲，我去咗紋身。」李爸爸聞言說：「吓？你係咪傻咗？」Gin更即場爆肚，指自己在背上紋了「孝順父母」，冧得李爸爸笑到見牙唔見眼，還反問她何不紋上「精忠報國」，爆笑全場。
