馬國明﹑吳啟華﹑王敏德和陳山聰幾位型男，早前接受伍詠薇和林盛斌（Bob）主持的《Tiger's Talk》訪問，節目中馬國明承認自己是壞男人，又坦承有收看色情網站；而啟華則爆料，指在內地拍劇時女演員的豪放行徑。
啟華表示試過有女演員主動派房間號碼，並引誘開房：「聽過有啲全組人派晒，連攝影師都有，壞女人可以壞成咁，大家都知嘅！」Bob打蛇隨棍上問女方「得唔得？」啟華則說：「得！」在旁的伍詠薇追問：「仲要係女一嚟？」吳啟華再答：「萬人迷呀！」然後續說：「可能你哋好少返內地拍嘢，但內地好多人都識佢，我唔會鍾意呢啲人，佢畀我唔會騷佢，但我知道係真嘅，真係全組人都知道。」
馬明亦表示試過返內地拍劇，有位不太相熟的女演員，主動給他房間號碼，但馬國明則表示不會「上當」。
