林芊妤（Coffee）日前將逾1歲的囝囝「伯伯」，暫放在外公外婆家數天，不過Coffee實在太掛住囝囝，昨晚已接了他回家，並上載囝囝挨在她膊頭熟睡的照片，Coffee說：「我守身如玉著埋高領，佢（囝囝）一如以往軟硬兼施，一時情緒失控狂喊，一時又含情脈脈氹我，拖我入房又扮可愛又攬實我，又用深情款款對付我，出名易氹既（嘅）我，差少少把持唔住，不過戰爭左（咗）兩個鐘，我都堅決唔拉低件衫又係甘（咁）解釋，話自己已經無晒奶奶，佢最後無我咁好氣，死死地氣攬住我飲奶粉，跟住好快係（喺）我身到（度）訓著左（瞓着咗），講到底還是媽媽比人奶重要，今（昨）晚真係痴（黐）到實。」
到今午Coffee上載和囝囝互動片段及照片，雖然今天下大雨，但Coffee反而帶囝囝出露台，感受大自然奧秘，抱住B仔一齊淋雨，Coffee寫道：「見BB蠢蠢欲動，所以我決定陪佢感受下（吓）大自然嘅奧秘，落雨咋嗎（嘛）又有咩好怕喎，👶🏻：其實我只係想睇吓雨，唔係想淋雨。」
