吳岱融及林韋辰近日兄弟檔上陣，參與「有福同港‧有飯同享」活動，擔任星級大廚炮製愛心飯盒，並親身派送到基層人士手上，讓香港人人有飯同享，同時希望透過愛心行動，呼籲各界購買飯盒幫助食肆，保基層員工就業。兩人化身愛心暖男，輪流炒餸菜，且邊煮邊唱歌，跟義工輕鬆愉快地完成100份「節瓜草菇炒魚鬆配溏心蛋」，之後運送愛心飯盒到社區，派發給失業及低收入基層。
吳岱融事後分享感受，「人生真係有好多階段，現時係我呢一生人從未遇過咁大嘅疫情同逆境，真係好多人失業。我哋今次派呢個愛心飯盒，我親身體會到一個飯盒對有些朋友來講真係好需要，今次可以參與此善舉，我覺得係一個好好嘅體驗。希望大家將呢個信息傳開去，多點幫助有需要嘅朋友，大家一齊獻出愛心」。林韋辰則說：「這次疫情令到香港好多低收入人士受到好大影響，可以話係雪上加霜，我好感恩參與這慈善活動，我知道有好多有心人喺背後出錢出力，希望活動不只是一次，可以延續落去，幫助更多有需要人士，請大家多多支持。」
