林作與裕美拍拖消息證實後，坊間引來不少聲音，有網民認為二人學歷差距甚遠，裕美會考0分，而林作是牛津大學畢業。昨日網上作家葉朗程一條發文，其中內容寫到「點知個仔揀咗個英文仲渣過佢，唔好話竹門對竹門，而（依）家連木門都對唔到，對正隻膠門。」有網民在留言稱其所指是林作及裕美，而裕美昨晚已在網上作出回應：「葉朗程你好，我是裕美，其實我唔太認識你，相信你亦唔太認識我，雖然你寫文寫得不錯，不過我這種低學歷，又貧窮出身的人卻感覺到你是多麼的膚淺，並帶著（着）歧視人的成份，兩個人相處究竟是為講外在條件？還是講人的內心？門當戶對，代表價值觀及性格一致？即是話如果你的伴侶突然破產，無曬（晒）所有野（嘢），你就覺得對方配唔起你？每個人都有佢既（嘅）專長，唔係用社會準則去量度別人，真正有智慧既（嘅）人，相信絕對唔會好似你咁貶低別人。知識同智慧係兩件事，讀書讀不到做人的情商。做人簡單一點，睇事情雜質少一點，個人太複雜，自然計算很多。時光名利都會逝去，人生到最後是有一個真正無條件愛你的人陪伴你。祝福你前程錦繡。」
