唐韋琪的16歲徒弟張若希，最近跟父母及哥哥到海灘游水曬太陽，全家兼做環保戰士，帶齊工具做沙灘義工執垃圾。
若希說：「沙灘迫爆泳客，之前去沙灘發現，有啲人好冇公德心亂抛垃圾，又唔將垃圾帶走，所以喺父親節嗰日，特登同家人再去海灘游水兼執垃圾，其實大家住係香港呢個地方，應該珍惜大自然，一齊保護沙灘清潔，呼籲大家去海灘又好，行山又好，記得帶走垃圾。」
炎熱天氣下執垃圾會否感辛苦？她說：「我同屋企人好享受沙灘執垃圾，覺得有意義，一啲都唔覺得辛苦，我有啲同學都話下次約埋執垃圾，希望每個人對地球付出應有責任，地球已經病得好嚴重，大家真係要好好保護佢，每人為環保出一分力。」
