黎明（Leon）早前推出新歌《顧家》，並請來契爺胡楓、林海峰、陳柏宇3位顧家男人合作MV，預告MV今個星期三有得睇。Leon這首新歌，推出的時候已有「已婚版」及「同居版」兩個版本。
正當歌迷都在估「同居版」中出現的那把女聲是誰時，Leon今日又為《顧家》推出了「餐廳版」。他在facebook宣傳這個新版本時透露︰「其實仲有個巴士版，有冇機會同大家分享，試一試24小時內夠6000個Like，巴士版就會出現，如果唔係我自己私人珍藏。」
Leon一出post，兩個小時已有6700多個Like。Leon立即留言「找數」︰「多謝大家鼎力支持！Like夠哂（晒）有多幾個！由於本身諗住私人珍藏，結果變成要公開，所以我要啲時間製作加埋畫面！令大家更上一層樓！7月5日見！」
