梁漢文（Edmond）日前跟撐警譚詠麟（阿倫）和現任葵青警區指揮官謝振中踢波，阿倫事後將3人合照放上微博，惹來網民熱議，Edmond的instagram被網民及粉絲洗版式留言。
今午Edmond在facebook貼出他的歌曲《正氣歌》MV，並留言表示：「等咗半年先踢到一場波，估唔到依家踢場波難，原來做人更難。踢完走，校長（阿倫）拉住話影張相...做人應該尊重前輩....影張相，原來會被人覺得犯下彌天大罪。天下判官何其多，我問心無愧便是了。 #明就明 #唔明我都冇咩好講 #多謝默默關心緊張問候我的所有朋友。」
網民的留言亦有不同聲音：「香港真係冇晒自由！踢場波影張相都攪（搞）到咁！」﹑「偶像，互相尊重的確好緊要，世界係彩色的，繼續支持&愛你﹗」﹑「如果你過去一年知道香港發生緊咩事，你就會知道有啲野（嘢）唔做就最好。」﹑「黃秋生前輩約你踢波你敢唔敢去？」﹑「沉默大多數都五百萬啦，紅館開夠100場都得😂既然你冇問題點解要出post解釋？」
