新一波疫情再爆發，市民出外要做足防疫措施。阮小儀再次出動她自製的防疫㩒𨋢神器，在社交平台教大家如何製作之餘，並提醒大家要有公德心，一齊同心抗疫。
阮小儀留言：「我的自製 防疫㩒𨋢神器 又要出動喇！🤨🤨🤨 大家記得唔好鬆懈，盡做！ 好好保護自己呀！！！ 神器做法：揾（搵）搽完/唔要嘅 潤唇膏或唇膏，清理好之後，每日都卷一段廁紙條入去，然後凸少少廁紙頭出嚟，入𨋢時用個廁紙頭嚟㩒𨋢，用完後收番入去，閂蓋就得！唔驚自己手指污糟之餘，又唔會整爛𨋢掣。防疫都要有公德心，希望大家一齊加油！💪🏽💪🏽💪🏽💪🏽💪🏽」
