中學文憑試（DSE）今日（22日）放榜，不少藝人在網上為同學仔打氣。育有龍鳳胎的伍家謙，在instagram貼了中七時的靚仔照片，他留言稱：「DSE同學仔：Uncle唔會同你講咩放榜唔緊要呀、分數冇所謂呀、又或者乜鬼嘢考試只係人生入面其中一站呀嗰啲咁嘢；因為，我知你哋唔會聽得入耳。我自己喺嗰個年紀，直頭覺得放榜係人生入面第二重要嘅事，僅次於女。不過到大個咗之後睇返轉頭，你哋就會明白，放榜，其實真係唔係咁重要。生得靚仔先最重要。你睇我幾重要。#想講嘅其實係 #放鬆先最重要 #睇完隻post係咪鬆晒呢 #加油呀 #張相中七嗰年影嘅。」
