連詩雅（Shiga）日前以為受嚴重鼻敏感困擾，搞到鼻水倒流到喉嚨，令喉嚨長期痛楚，兼且日日頭痛，今早Shiga在社交網貼相並撰長文，表示終於知道自己問題所在，原來是鼻竇炎所致，她寫道：「很感謝大家的慰問，轉左（咗）3次醫生我終於知道自己什麼問題，原來係鼻竇炎，醫生說我鼻哥入邊嘅骨歪咗雖然壓着，當免疫系統低嘅時候就會發出嚟，同埋之前牙骹發炎導致的頭痛，原來係因為頸椎骨移位，蔓延都（到）上牙骹同頭，然後兩個醫生都話，根源係因為我個人太過分緊張，今次真係長知識，原來當你以為係有痛楚嘅地方有事，原來背後可能係其他成因，所以凡事都真係要深層次去了解，才可以解決問題。
真的，人生所有事情，真係從你的態度，想法，價值觀出發，一切都從心裡（裏）開始，心情，情緒係影響身體嘅最大關鍵，放鬆多一點，感恩多一點，放下執着多一點
可能會活出不一樣的人生。真係經一事長一智，慢慢會好起來的
#放心我活動完全沒事 #係暫時唱歌有點勉強 #不用擔心 #希望大家耐心等候多少少
#好返就會有新歌 #希望大家都學識放鬆多點」。
