【愛犬離世】張頴康經歷「酒精馬拉松」:唔好再咁飲喇.... (12:12)

文章日期:2020年08月30日

麥雅緻與丈夫張頴康的13歲愛犬Bell Bell日前病逝,令他們傷心不已,張頴康今日凌晨更新社交網,他感謝每一個慰問,多謝大家對他們的關愛。他還自爆經歷了幾天「酒精馬拉松」,不過阿康答應大家會振作及重新出發,他寫道:「點知今朝又係六點鐘就醒咗,我不停同自己講,真係唔好再咁飲喇,Bell Bell會唔開心㗎!終於等到八點半練習場開咗,打咗兩個鐘!返到屋企再出去跑多二十分鐘!

原來做啲對自己身體唔好嘅事去麻醉自己 ,身體真係會唔好㗎 (呢句說話係咪好廢呢?但係我真係而(依)家先感受到)不過我一定會繼續練返好自己嘅身體﹗

然後,下晝再同老婆出去行吓(下),拍吓(下)拖!大約六點就去食我哋好耐無食過嘅日本嘢!重新出發,係要行出第一步嘅!今日,我哋兩公婆一齊行出咗第一步喇!最後,我真係要好多謝大家對我哋嘅問候同鼓勵!因為你哋嘅支持,係我哋跨過每一個難關嘅動力 !衷心感謝大家 !」

(即時娛樂)