江美儀帶同兩隻愛犬Teddy and Tina，擔任貓狗糧品牌代言人，江美儀笑言自己「母憑子貴」，多得Teddy and Tina帶挈搵真銀。自封購物狂「狗奴」，為拍攝今次廣告，美儀特意為Teddy and Tina準備了多套戰衣出鏡，她說：「無辦法，阿媽鍾意shopping，家中有一個大衣櫃放置Teddy同Tina的靚衫，其實阿仔不喜歡穿衣服，今次拍攝過程冇扭計，算畀足面我。」
提到愛犬拍攝的表現，美儀說：「其實我前一晚有跟Teddy同Tina講，要拍廣告影相，一定要乖、要醒目、要笑，不要失禮媽咪，拍攝當日早上，兩兄妹好積極，一早起身食早餐，準備出發時，妹妹更吠我，叫我快點出門口。」
