已育有3個囝囝的張栢芝，近日在社交網上載一段視頻，她身穿白色T恤及西裝外套，對着鏡頭轉身叉腰擺甫士，但她側身時被發現肚凸凸，身材圓潤，不少網民驚訝表示她孕味濃，猜測是否再懷孕，還說看似懷有4個月身孕。
今日栢芝在ig拍片否認再度懷孕一事，她表示今午帶同孻仔Marcus到大埔某商場買玩具及食物，期間遇上幾位記者拍照追訪。栢芝指影相沒所謂，但不要嚇親小朋友。栢芝表示當時追訪的記者好有禮貌，她本人因為用孭帶抱住重磅囝囝，加上拿着大包小袋，狀甚狼狽，所以並無回應記者提問。
對於傳出再度懷孕，栢芝以肯定語氣表示：「我要用好大個腰帶箍腰，仲要抱住咁重囝囝，如果孕婦唔會咁做。」之後，栢芝續說：「一定冇（BB），肯定冇，依家冇，將來唔會有，因為夠喇，唔生喇…肯定冇BB，其實身形都幾弗。」
