【高齡懷孕】42歲原子鏸宣布佗男B 鄭佩佩快榮升外婆 (14:14)

文章日期:2020年09月04日

42歲前港姐亞軍原子鏸(Marsha),去年和摩洛哥型男Mehdi El Ajimi結婚,今天Marsha在社交網報喜,宣布懷孕喜訊,Marsha在instagram曬美麗孕照,她表示腹中BB是男嬰:「仔女都冇所謂,最開心係可以生到BB,無論仔女都會愛佢,預產期係明年3月。」

Marsha表示懷孕初期有少許不適及疲累:「好奇怪好想食嘢,我覺得最唔舒服係諗起或聞到肉味,我依家唔可以食太多肉。」

Marsha坦言得悉懷孕後,只有她和老公知:「我哋想等到做晒Testing,知道BB健康,先話畀父母同家人知。(媽咪鄭佩佩恨抱孫?)講真,我媽咪冇所謂,佢唔會話好興奮或覺得好大件事,反而爹哋恨抱孫,媽咪冇乜所謂,不過媽咪依家唔喺香港,佢喺美國,唔可以陪我過懷孕期,我生BB時佢都唔喺香港,我要生完BB先返美國。(瑜伽導師的工作會否暫停?)依家暫時等到確診個案比較安全先再教班,我懷孕都會繼續教,自己亦會繼續練習。」

(即時娛樂)