【招牌癦唔見咗】薛家燕變髮賣月餅:Fans唔係好認得我 (16:22)

文章日期:2020年09月24日

中秋節臨近,薛家燕於疫情下推出自家品牌「家燕媽媽流心奶黃月餅」,銷情不俗。日前家燕姐出席在愉景新城舉行的慶中秋活動,不少粉絲抱埋兒孫支持,並大手買入月餅,令整個商場溫情滿瀉。

家燕姐說:「我好耐冇去商場行喇,我諗都有大半年,嚟到好開心,見到好多朋友支持。中秋節係一個佳節,希望我嘅月餅,大家食得開心。今年中秋節我希望大女(石祐珊)可以趕返嚟,佢喺美國差唔多大半年,依家book緊機票,但返到嚟要隔離14日,希望趕及過中秋節。(會不會出去食飯慶中秋?)到時看情況,如果有限聚令就喺屋企食,但唔使我煮,因為我細女依家煮飯好叻,仲有我新抱,呢個疫情佢哋日日煮餸煮飯,好好味!」

家燕姐以新髮型出席活動,她笑說:「係咪好特別?其實想換形象,我出嚟時,好多fans都唔係好認得我,因為唔見咗粒癦,我覺得呢個新髮型後生啲、有新鮮感。」

(即時娛樂)