蔣家旻、朱敏瀚今日在街頭拍攝新劇《換命真相》時，竟然巧遇周潤發（發哥）﹗蔣家旻雖然身體不適，頭痛又皮膚敏感，見到發哥竟立即不再頭痛，自言「成個人醒咗」。
她在社交平台分享與發哥、朱敏瀚及眾幕後手足的合照，留言︰「因為尋（噚）日外景，之後就偏頭痛到呢刻，唔想靠藥止痛，唯有痛住再06通告。又因為尋（噚）日唔知比（畀）咩咬到，今朝發現左邊面敏感，又紅又痕又大笪（撻），搞到心情差到真係講咗粗口，妝都唔想化（大佬！靠樣搵食架（㗎）嘛）。」
「當外景地點就係皮膚科醫生既（嘅）診所附近，難得中間有break仲要急忙約到睇醫生，突然覺得自己好幸運，要為小事感恩時，偏偏無諗過就發生一件大事！超幸運🌟﹗」
「唔洗（使）行山都見到發哥！😱😱 發哥呀！今次仲唔到我集郵！？😱❤️ 成個人呆咗，興奮、心跳加速、成身熱咗、紅都面晒！就係咁，頭痛短時間停咗🤣，成個人突然醒咗。今日既（嘅）通告係值得架（㗎）！😂 感恩感恩🙏﹗多謝發哥！😄 #換命真相 #唔好羨慕我哋 #發哥可唔可以返嚟幫我醫頭痛」
