廚藝分高低 夢想零差別 鄧穎芝張紋嘉對演藝夢有團火 (20:08)

文章日期:2020年09月25日

鄧穎芝(Vangie)與張紋嘉(Crystal)日前為彭秀慧主持的香港開電視節目《自煮女人最漂亮》擔任嘉賓,Vangie和Crystal早年跟彭秀慧進修演技而認識,在節目中她們炮製具高營養、適合女士食用的「黑豆茨實節瓜盅」,廚藝麻麻的Crystal表示對入廚感緊張,期間她表現雞手鴨腳,反觀Vangie則有板有眼。

節目中她們無所不談,提到Vangie曾自資出唱片及Crystal曾自資開騷時,彭秀慧表示欣賞,彭秀慧指她們雖然合資發展不同生意,但為圓夢亦自掏腰包,而Vangie和

Crystal表示,對演藝事業的熱誠算是受媽媽遺傳影響,Crystal說:「唔知點解我咁鍾意做舞台劇?媽媽喺我細個時做業餘劇團,媽媽第一次帶我喺台上演出,我記得當時仲係用手寫稿。」至於Vangie亦透露媽媽在她年幼時,曾在酒廊唱歌,不過最後為了屋企,而放棄了歌唱事業。

對於演藝路,Vangie直言最緊要舒服,她說:「喺呢行咁耐,曾自資出唱片亦付出咗好多,但一直停留喺同一位置,所以都想嘗試其他發展,但唔係完全放棄演藝事業、唔係要完全退出,如果突然有日我想錄首歌,可能有天我會再想唱歌,我覺得咁樣會舒服啲。」Crystal則表示演藝事業最重要有滿足感。

(即時娛樂)