湯怡昨天偕張惠雅（Regen）和其他朋友齊齊征戰鳳凰山，雖然湯怡聲稱已兩個月沒有做運動，但身材並無走樣，她身穿黑色露腰運動衫及長褲，並戴太陽帽和手套爬山。本身害怕昆蟲的湯怡，在行山期間突然有隻蜜蜂飛落她的手臂，嚇到她尖叫大嗌；Regen則笑指對方嗌到有回音，連對面山頭也聽到，更笑稱好友嗌到似男人，相當夠中氣。
湯怡在Ig貼相並寫道：「呢幾日放假，放到連電話都放低埋，message keep住唔覆，今（昨）日好開心啊！終於去咗行山！上到鳳凰山山頂，食埋我的最愛，好滿足。好怕昆蟲嘅我，有隻蜜蜂突然飛左（咗）落隻手度，嗌完果（嗰）下都真係嚇親自己，兩個月無做運動嘅我，今（昨）晚真係要好好休息一下。」
