ViuTV節目《吃掉前男友》由莊韻澄（Xenia）、張惠雅（Regen）、張蔓姿（Gigi）、張蔓莎（Sabrina）及蔡寶欣（Pony）主持。今晚（13日）播出一集，繼續由林欣彤（Mag）分享與前度的經歷。
Mag表示感激當時男友，在她患上情緒病期間仍不離不棄，悉心照顧自己：「嗰陣成日失眠，佢見我瞓唔到，就會起身陪我睇卡通片，但嗰時可能係半夜5點幾，佢又會問我肚唔肚餓，肚餓就會一路睇一路食早餐咁，佢陪我走過人生中暫時最大嘅一個難關。」她指雖然大家沒法走到最後，但亦十分感恩曾擁有過這段關係。
在單身和戀愛之間，Mag坦言想拍拖：「雖然經歷過唔好嘅人，亦聽到身邊好多荒謬嘅嘢，但我都想勇敢去愛，因為咁樣先會搵到真正愛自己嘅人。希望經歷咗唔同嘅愛情，自己亦成長咗之後，都可以搵到更好嘅另一半。」
