【自稱半紅不黑藝人】林師傑恨生女：造人計劃冇停過 (17:45)

林師傑早前宣布回復自由身，日前他接受香港開電視主播馬梓軒訪問，分享轉型為獨立音樂人的苦與樂，更坦言渴望成為人父：「我好想生個女，想咗幾年，之前新聞都傳過兩次我太太歐陽巧瑩懷孕，但都仲未生到，哈哈！其實造人方面一直計劃緊，計劃從來冇停過，不過現時工作上，樣樣嘢都要一腳踢，的確少咗時間陪太太！」