林師傑早前宣布回復自由身，日前他接受香港開電視主播馬梓軒訪問，分享轉型為獨立音樂人的苦與樂，更坦言渴望成為人父：「我好想生個女，想咗幾年，之前新聞都傳過兩次我太太歐陽巧瑩懷孕，但都仲未生到，哈哈！其實造人方面一直計劃緊，計劃從來冇停過，不過現時工作上，樣樣嘢都要一腳踢，的確少咗時間陪太太！」
早前林師傑推出歌曲《尊悲不分》，他表示歌曲早於5年前已寫好，用來記錄自己心情和無力感，但當時未有機會推出：「當時我有將首歌畀舊公司聽，但原來我要起碼寫200首歌，先可能被揀中一首，好多人問我點解要堅持做音樂，對我嚟講其實好簡單，因為我冇得揀，呢樣係我嘅生計，而呢首歌正係表達自己心情，話畀大家知我當時心情有幾咁沉重。」
縱使林師傑在舊公司期間有沮喪的時候，但亦有不少開心難忘回憶，他笑言：「我結婚嗰日係over咗6圍枱，全部都係幕前幕後同事，我本身係一個半紅不黑嘅藝人，亦都唔係做緊啲咩好勁嘅project，令大家要畀面出席，咁我相信啲人真係鍾意我嘅。」
