林穎彤（Bella）明天（21日）28歲生日，日前Bella開工時，已獲同事們提早送上蛋糕預祝，Bella說：「希望身體健康，多啲工作密密做，好開心剛派台新歌《可不可以戀愛》有唔錯反應，個MV喺一個星空背景下拍攝，成個感覺都好浪漫，首歌講咗好多女生心聲，希望鼓勵大家迎難而上，對未來繼續帶住盼望。」
拋開上兩首派台歌的少女味，Bella今次在演繹上改用輕熟唱腔，跟女生們分享自愛小哲理，Bella說：「歌名《可不可以戀愛》聽起嚟好似係等待人哋嘅答覆，但其實係對自己嘅提問，期待被愛之前，有冇先令自己成為一個可愛嘅人，期待得到其他人認同之前，有冇裝備好自己。」
