尹光接受香港開電視節目《開工大吉77》主持人苑瓊丹訪問，大談工作點滴。尹光出生於越南，當年為逃避兵役才移民香港，「爸爸經營好多行業，好似電影院、髮型屋等，當時戲院不論是播大戲或電影，屋企有個喇叭可以聽到，可能是這樣就開始喜歡這行。後來和弟弟來到香港，可是找不到工作，最終朋友介紹去唱歌，起初每晚在荔園『粵曲歌壇』唱兩首粵曲，都有一、二百人睇」。尹光後期推出首本歌曲《14座》，當年大受歡迎，廟街由街頭播到街尾，外間封他做「廟街王子」。
尹光多次於紅館開個唱，場場爆滿成為佳話，感恩多得伯樂張耀榮的賞識，「當年張生做完其他人演唱會，仍有幾日檔期不知搵誰人攝期，原來他喜歡聽我唱歌，所以託人和我接洽，當時12,000個座位，賣了兩星期飛都是賣得二、三百張，嚇到我跟張生講『我唔做啦，我退番啲訂金畀你』，他話不可以，要我繼續做。到開騷當日我去化妝時，老婆話出面排晒隊買飛，我不信，於是親自出去睇，真的打了幾個蛇餅，賣飛賣到夜晚9點幾，最終9000人入場，是一個奇蹟」。
