林德信（Alex）早前為楊凡執導的動畫電影《繼園臺七號》配音，日前Alex接受香港開電視主播馬梓軒訪問時表示，首次為動畫聲演，過程充滿挑戰：「因為個故事係講1960年代嘅香港，我唔係嗰個年代出世，所以感覺好特別，父母有時都會講以前故仔，例如戲中提及嘅夜總會，我都聽父母講，佢哋以前去嗰度玩，同埋發現以前嗰啲地方，原來有個可以行catwalk嘅舞台，又有band，我覺得呢啲好正，因為依家冇呢啲嘢！」
談及楊凡過往的作品，不乏男演員出浴戲分，Alex笑言日後有機會再與對方合作的話，亦不介意拍攝：「楊導演好識得透過鏡頭，拍一啲令大家永遠記得嘅畫面，好似吳彥祖以前拍楊導演嘅戲，唔止冲涼戲令人難忘，佢以前演警察回頭望嗰個鏡頭，都令人好深刻，楊凡係一個master，所以如果有機會可以再同佢合作，我一定會做！」
