張頴康和老婆麥雅緻於2012年結婚，婚後育有一對仔女，今年是2人的結婚8周年，阿康在社交網貼了和老婆及仔女慶祝的照片。阿康笑言昨天（8日）如常照顧兩個小朋友，待他們睡覺後，才跟老婆偷偷外出吃甜品慶祝。
阿康寫道：「回顧之前咁多年嘅結婚紀念日，我哋都冇隆重咁慶祝，每次都係好簡單咁食餐飯，食下甜品，好好咁回味吓結婚當日嘅情景同心情！證實咗，我老婆咁多年都冇變過，仍然係好簡單，好容易滿足！多謝老婆8年前奮不顧身咁嫁咗俾我，仲幫我生左（咗）兩個咁聽話嘅小朋友！老婆，我愛你。」
另外，不少人都感好奇，為什麼阿康會擔任鄭俊弘的兄弟團之一，阿康解釋：「因為大家都唔知道我同阿Fred有幾熟！呢度有一張相，當年我結婚呀（阿）Fred都係我兄弟，佢就係企咗喺喊到豬頭咁樣嗰個鐘（鍾）一憲後面！」
