楊秀惠近日帶同半歲大囡囡返港處理香港的美容生意，今日在網上開心宣布她的線上電商課程學院，正式成為某網店平台、官方認可的香港第一個教育伙伴（First Education Partner in Hong Kong)，亦是全球第一個被官方認可的中文課程同教育伙伴。
楊秀惠認為今次是囡囡給她的鼓勵和動力，她於網上留言：「呢段時間，為咗得到官方嘅認可，編寫課程同埋照顧小VY真係一日24小時都唔夠用。但係佢每一次用隻肥卜卜手手，摸我塊面嘅時候，都好似同我講『媽媽你要努力，要加油幫我賺奶粉錢😂』。俾咗無比嘅動力同鼓勵我。」
