達明一派今晚於伊利沙伯體育館舉行《Replay》演唱會，因疫情只能7成半入座率，讓觀眾保持社交距離。觀眾入場前要量體溫。圈中好友何韻詩及父母、劉天蘭、岑寧兒、林海峰等在台下欣賞。
黃耀明與劉以達以星河主題的閃爆服裝出場，獻唱歌曲《世紀末顏色》。黃耀明向台下送飛吻答謝觀眾，接著再一口氣唱出《最佳朋友》、《我有兩個》、《盡在今夜》及《情流夜中環》，獲全場報以熱烈掌聲。
黃耀明唱完《情流夜中環》忍不住哽咽說：「我忍咗好耐，在中環一個人排這首歌時已忍不住喊。呢首歌是講再見中環，好多謝大家這個時候都嚟，呢個時候更需要彼此。」歌迷大叫：「香港人加油，永遠支持你。」劉以達問觀眾戴口罩辛不辛苦？黃耀明即說：「你哋唔可以剝，如果唔係開唔到下場，我哋忍咗好耐，這一年已忍得好辛苦，期間忍不住開facebook live，但感覺好唔同，我哋需要見到人，更需要大家。」之後唱到《天花亂墜》一句「我諗我應該收聲」，黃耀明再說：「但我哋唔可以收聲，因為我哋係呢個地方嘅主人。」
