陳曉華（Hera）在昨晚《萬千星輝賀台慶》的終極遊戲大獎，贏了黎耀祥及陸浩明（6號），奪得38萬元！不過期間發生小插曲，事緣當他們為爭奪大獎時，在旁的司儀之一麥美恩表現十分肉緊，比玩遊戲的藝員更緊張，當6號玩遊戲時，麥美恩不停大嗌「結婚﹗結婚﹗」但6號最後失落現金大獎，麥美恩竟鬧着玩「兜巴星」打到對方跌眼鏡，搞到6號尷尬又狼狽。
事後6號在Instagram貼了合照，並表示副眼鏡夠硬淨，他寫道：「當時同38萬係1cm嘅距離，結果嗰條濕滑嘅公路... 架的士...我終於明白咩叫做擦肩而過，恭喜Hera（陳曉華） ，我同自己講繼續努力工作啦。#萬千星輝賀台慶 #比Lisa姐抽中好high #人生第一次 #麥小姐點解你咁肉緊 #眼鏡冇事夠硬淨 #下年再中過。」麥美恩亦貼文道歉：「#哎啊 #6號 #對唔住啊 #我真係好想你結婚㗎 #辛苦晒大家 #台前幕後叻叻」。
