在《愛‧回家之開心速遞》演龍璟風一角的陳浚霆，於Instagram表示近日在劇情內所發生的事情，竟跟真實生活不謀而合，好像預言一樣。
陳浚霆在Ig說：「上星期有一集講困lift，當晚我就即刻困了1小時…昨晚『列堤頓道失竊案』，今天（8日）就發生在家裏！ 😱😱😱😱😱」他續寫道：「編劇同編審預言般的寫作能力實在令我非常驚訝。希望日後有更多精彩的劇情發生，但希望係好嘅，希望係開心嘅，希望係吉祥吉利嘅。在此祝大家身體健康，出入平安！節日好快就到，大家小心保管財物。」
陳浚霆回覆《明報》時表示發生閉門失竊，警方正調查中，他說：「我同我阿媽傾偈，佢都話『咁邪』，上次又係咁，有一次（劇情）寫漏水，我屋企真係漏水，希望編劇會寫我中六合彩、攞視帝、攞影帝、勇闖荷李活，希望佢（編劇）寫完呢啲之後，有更多好嘢發生，都非常無奈，雖然損失唔係太大，但節日前都嚇一嚇，唔想有呢啲發生，當破財擋災。」
