組合EO2及合作多年的排舞師DEE，日前接受許文軒主持的《StarTalk》訪問，談及EO2合體拍攝跳舞短片感受。Osman說：「今次係因為排舞師DEE嘅project，而再撮合大家一齊，但要集合EO2唔係一件易事，因為我同Eric要教學生，Eddie要拍戲，Otto做編劇工作，始終7年冇合體，大家有大家嘅生活同工作。」
談到合體排練跳舞的感覺時，Otto說：「我真係最少跳舞嗰個，之前都擔心應付唔到，但一埋位就好似師兄弟歸位，但跳咗20次Eric都錯！」
Osman曾擔心身形走樣，他說：「因為疫情教跳舞都停咗，日日坐喺屋企食嘢，唔覺唔覺就脹咗！」Eddie起哄表示：「我就真係唔覺你脹咗！我隔籬個Eric就真係脹咗！」Eric笑說：「因為有咗小朋友，每日要照顧佢，完全冇時間做運動，我又鍾意食嘢，教完堂就拉隊去打邊爐。」
