ViuTV新劇《男排女將》今周踏入大結局，男主角之一的顧定軒在網上分享他拍攝此劇的籌備工夫，特意進行體能訓練，希望體型上有些睇頭，當看似有所成績時卻腸胃炎來襲，令他一切努力付諸流水；拍攝時，他不知什麼原因患上尿道炎，當他要拍攝側滾動作打波，就算痛到標眼淚也要死忍，之前救波又撞到下巴腫起來，可謂有血有汗又有付出。
顧定軒留言：「男排拍攝前想準備個更好既（嘅）體型，高度改變唔到，就希望可以厚重啲去呈現一個比較沉穩嘅”King”，所以搵左（咗）@powerlivingsam進行訓練，每星期無間斷再穿插排球特訓，亦慢慢見成績。不過，就係（喺）開拍前兩個禮拜，一個腸胃炎，中醫西醫睇勻，痾（屙）嘔足十四日，前功盡廢。最後睇專科話：『壓力太大。』唉，而今次既（嘅）教訓，仲大。但自己諗返，其實都幾熱血既（嘅）～ #有次救波下巴落地腫左（咗）成個月 #又無啦啦尿道炎每次做側滾痛到標眼淚都要忍住 #真係有血有汗 #最後五集啦 #唔係唔睇啊 #男排女將 #力圖 #張競康 #king」
