張繼聰目前身在澳門的酒店接受隔離，準備完成14天隔離後開工拍戲！豈料人算不如天算，澳門政府宣布現正在澳門隔離的旅客，須即時延長隔離期至21天，張繼聰昨晚在Instagram貼了搖頭短片，他說：「個感覺就好似跑10K ，差唔多到終點，先發現原來自己報咗半馬....好彩我心理質素夠強大，完全唔驚，係有少少想喊啫，#隔離 #14+7。」今午阿聰在Ig貼了囡囡張靖的短片和聲帶，片中張靖模仿爸爸搖頭甫士，她說：「Daddy加油呀，Yes﹗」阿聰留言：「妺妹睇到我噚晚嘅post嘅反應 #滿血復活」。至於同樣在澳門隔離中的周秀娜，則在Ig限時動態寫道：「我崩潰了...此刻想咬人。」
