孖黃德斌拍激烈牀戲 周家怡半裸上陣感尷尬 (22:09)

文章日期:2021年01月08日

張敬軒昨天(7日)推出收錄17首歌的超級大碟《The Brightest Darkness》,全新廣東歌《俏郎君》亦於同日上架。

新歌MV以電影模式製作,邀請周家怡及黃德斌擔任男女主角,拍出一段是否經歷過生死,便可終身到老的愛情。雖然軒仔未有於MV出現,但拍攝MV的兩日中,他全程都在現場,親自監督每一場戲,由情感演繹、到鏡頭表達都參與其中,務求將這份令人痛惜的愛,一幕幕精準展現。

MV中,家怡跟德斌有激烈牀戲,家怡更加半裸上陣,露出白滑玉背,連她自己都表示好激,她說:「唔係熒幕初吻,亦都唔係第一次拍牀戲,不過就係第一次拍咁激烈牀戲,依家剪咗出嚟睇落都唔算好激烈,拍攝當日都幾激烈。」

由於以往經常合作,2人十分熟絡,他們認為拍親熱戲,最重要互信:「因為大家都已經好熟,會好相信對方,可以好放心咁拍。」不過家怡表示有點尷尬,她說:「啱啱開始排戲嘅時候,我忍唔到笑,太熟啦,佢都忍唔到笑,嗰個位就會有少少尷尬,都幾得意。」

首次跟軒仔合作,家怡大讚軒仔是貼心暖男,她說:「雖然軒仔冇喺MV演出,但拍攝嗰兩日佢都喺度,開咗好多次會,佢對個角色嘅心路歷程好了解,畀到一啲有用意見,甚至乎令到成件事更豐富。照顧團隊方面,佢更加係無微不至,對所有人都好take care,好開心同佢合作,亦都好開心認識到佢。」

(即時娛樂)