【今晚直擊】《萬千星輝頒獎典禮2020》「最受歡迎電視男角色」最後五強，胡鴻鈞、張振朗、羅天宇、馬貫東和王浩信，最後由張振朗憑《反黑路人甲》「高彬」一角奪得；振朗繼去年膺飛躍進步男藝員，只是短短1年便奪得這個獎。
振朗聞悉獲獎時已激動眼濕濕，他說：「今日見到反黑兄弟姊妹攞獎，望住佢哋時我都眼濕濕，我好多謝佢哋多謝我，我家人教導我一定要識尊重別人，別人先識尊重你，多謝珍姐（曾勵珍）、樂小姐（樂易玲），多謝林志華、王浩信、賴慰玲……最後一樣嘢，呢個獎好有分量，係好好鼓勵，證明呢個獎你畀得我，我就一定做好佢，Thank you！」
