今天（11日）是張繼聰的41歲生日，不過阿聰身在澳門開工，和周秀娜拍攝新戲《馬達・蓮娜》，未能在港和老婆謝安琪（Kay）及仔女慶祝。Kay在Instagram貼了和阿聰合照，相中只有Kay正面，阿聰得背面，不過其中一張相，阿聰開心得舉起雙手，Kay就留言冧夫：「如果可以的話，我也想成為你心裏一個小小的電燈膽，柔柔的光、微微的暖，點亮你的心房，張先生，生日快樂。」
阿聰亦在Ig貼了和劇組慶祝生日的照片，他寫道：「噚晚開緊工，搭正十二點竟然有神秘生日會，雖然喺條街，寒風凜冽膽拖涼鞋，不過即刻好溫暖，感謝一班工作同伴。另外有位支持咗我十幾年嘅澳門朋友仔，特登嚟送咗一個生日蛋糕俾我。堅嘅，好感謝大家對我嘅愛，我係一個好幸運同幸福嘅人，會繼續努力，希望疫情快啲消失，大家身體健康。」
