去瞓晏覺|大肚婆余香凝忘記已約蘇麗珊:我真係蠢咗好多 (13:19)

文章日期:2021年01月17日

27歲余香凝去年11月與40歲圈外男友陸政渡結婚,並於聖誕節宣布懷孕。「大肚婆」余香凝昨晚在社交平台公開向蘇麗珊致歉,事緣她忘記約了對方在屋企樓下交收,由3點幾睡到6點幾,令蘇麗珊白行一趟,自認現時有點「孕傻」,很多事情也忘記了。蘇麗珊亦大方回覆:「孕婦大哂架喎😚,好好享受呢個食完就瞓瞓完再食嘅生活haha,下次再拎俾你!」

余香凝留言:「-孕傻篇- 首先多謝蘇老闆親自將呢啲咁好食嘅bagel送到黎我樓下,真係好好味😋。交代番琴日發生咩事先,有好多人睇完Story都問我做乜,我由細到大都係一個極守時嘅人,最憎人遲到,點知今次自己比遲到更過分🤯。前一日約咗ceci 4點左右喺樓下拎bagel,點知我完全唔記得咗,然後由3:45pm 訓晏覺訓到6點15pm,一起身見到電話有三個Missed call 😱🤦🏻‍♀️。極度內疚,佢山長水遠黎到我樓下,然後搵唔到我🥺,佢仲要無嬲之後再送番過黎,呢個女仔又好人又靚又識整嘢食係邊度搵。

孕傻呢兩個字真係好恐怖,我真係蠢左好多(本身已經唔係好叻),有好多野都唔記得,希望所有人係呢段時間都對我多多包容。」

(即時娛樂)

相關字詞﹕余香凝 蘇麗珊