林二汶今天終於「找數」，宣布於3月底在紅館舉行首個個人演唱會，由於距離開騷尚餘2個月左右，時間上較趕急，加上疫情依然肆虐，能否如期開騷亦是未知之數。
二汶回覆傳媒時表示：「時間方面應該ok，依家拿拿林密鑼緊鼓準備，至於會否因疫情開唔到？我就交畀上天師尊安排，交畀佢去諗，會唔會請造星學員上台？我密鑼緊鼓準備緊個騷內容，而最緊要的內容係我身體狀況，因為抗疫期間，大家都肥咗，哈哈，我就會畀心機練氣，因為喺紅館開騷唔容易，過去好多前輩紅館開騷，我唔可以失禮，首先練氣先，多謝各位支持，終於都找數喇，祝大家身體健康，繼續保持安全。」
另外，彭秀慧亦在facebook貼片賀二汶登紅館，片段中背景是《全民造星III》，二汶扮演參賽者，彭秀慧扮導師，期間二汶罕有展舞姿，十分搞笑呢﹗
相關新聞：真‧找數｜林二汶終於攞到期 3月底舉行首個紅館個唱
