沈卓盈在元旦日當天宣布佗B，這位準媽媽最近就相約好友陳自瑤（YoYo）見面，兩人由午餐食到下午茶仍意猶未盡。由於食肆晚上6時起禁堂食，YoYo於是隨沈卓盈回家食晚餐，再傾過夠，足足傾了10個鐘，相信YoYo一定分享了不少湊仔經給好友。
沈卓盈在社交網分享照片，留言︰「好耐冇見我嘅女神Baby啦，今次由午餐食到下午茶直到餐廳打烊... 然後返屋企再食埋晚餐都未夠...... 已經約埋下次見面。兩個傻傻的坐埋一齊真係笑餐飽~ 其實開心可以係咁簡單~ 送給大家我們的心。時間無阻我倆的愛，我們在笑寶寶在踢，這位小聽眾好興奮，以後有多個話題啦。」
