朱智賢去年被爆跟人夫黎振燁「車廂偷食」，朱智賢形象插水，現時在無綫未獲工作安排，閒時只好行山打發時間。
昨天她在Instagram貼了去菠蘿山峽谷的行山相，相中她身穿貼身運動褲，並露出纖腰，另一張相她只貼騷長腿照，不過腿上竟然有條痕，朱智賢自爆：「話說冲涼嘅時候，突然之間發現兩隻腳（係成條腿）旁邊都有條痕，然後喺度諗係咪因為條褲壓住咗有條界呢？跟住...我突然爆笑咗出嚟，OMG﹗﹗噚日我着咗條通窿legging行山！！！！媽呀，依家成對腳曬到有印，好似污糟咗咁，點見人呀？然後我自己一個喺屋企笑傻咗。
#褲唔可以亂咁著 #我下次唔敢了 #我係咪要曬返黑成對腳 #現實仲明顯過影相 #條legging啲窿真係由大髀開到落小腿」。
