被網民嘲膠面醜男|袁偉豪自認性格硬頸:乜嘢都駁嘴 (17:48)

文章日期:2021年02月22日

由林盛斌(Bob)和麥玲玲主持的《Master's Talk 師父有請》,第3集邀請「Crazy Runner」的陳山聰、袁偉豪、姚子羚和謝東閔擔任嘉賓,今次以「人運和地運」為主題。

對於藝人借運之說,各人有所聽聞。袁偉豪表示之前曾遇上問米婆婆,指他前世得罪人,遮了半塊面,所以出道頭10年,事業沒有起色,最終他當天口中念住對方姓氏叩頭道歉1000次;叩頭之後,他獲得機會加入無綫,事業運慢慢轉好。提到地運,袁偉豪表示婚前大約3幾年就會搬一次屋,直至去年因結婚而一年內搬兩次,總算買下跟太太張寶兒的安樂窩。

當提到另一半是富家女,袁偉豪直認跟張寶兒曾面對不少壓力,他說:「其實我唔睇嗰啲報道真係冇嘢,睇咗反而唔開心,入到外父屋企有乜好驚?我唔會驚,反而睇完報道之後唔舒服,唔舒服係點解要咁講我呢?有時唔係我想去睇,係唔知邊個轉來轉去彈出嚟我手機,多少影響自己情緒。因我性格好硬頸,乜嘢都駁嘴,所以耐唔耐就出聲講啲嘢,我有自己睇法,你哋覺得係咪係,再講真,咁層樓我唔使供咩?我都要搵錢,我都要keep好個樣出嚟,點知又被你班人話面膠、醜男。」

袁偉豪表示沒有因閒言閒語,影響到他跟寶兒之間的感情,兩公婆都有討論過,寶兒提到父母願意將女兒交託給他,他說:「佢父母欣賞我呢個人一步一步成長,捱出自己事業,佢先咁放心,另外佢哋覺得只係得我可以治到寶兒。」

麥玲玲在節目中自爆每天跑6公里,眾嘉賓大感嘩然,Bob更不能置信,麥玲玲說:「5、6公里對我而言等閒事,發誓咪發誓囉,我跑寶馬山,一朝早落樓就跑,跑完行上16層樓返屋企,你唔好睇我咁樣(身形),我唔明人人跑咁弗,我跑就會咁,因為同Bob一樣不斷食。」

(即時娛樂)