Man爆護妻|老婆被人身攻擊 Bob:放過我屋企人啦 (15:34)

文章日期:2021年02月26日

林盛斌(Bob)和老婆Pearl婚後育有3女1子,一家六口幸福美滿,Bob向來是「愛妻號」和「廿四孝老竇」,Bob今午在社交網貼了老婆獨照,並表示最近有報道提起他的太太,然後有好多網民留言評論,包括Pearl的外表和工作,Bob說:「當然唔會全部都係一啲好好聽嘅說話,人身攻擊嘅有,無中生有嘅都有,好精彩。」

Bob坦言太太絕非大美人,只是一位40歲的普通女人:「從來唔化妝,冇打針,冇整容,鬆動啲先去買兩件靚少少嘅衫着下,生咗四個小朋友,好努力照顧佢哋,亦安排好佢哋嘅起居飲食同所有嘢,私人時間就去學下呢樣,做下嗰樣,然後將自己嘅興趣,發展成為事業,靠自己嘅能力同知識,去賺取家用,而佢都仍然keep到依家呢個狀態,喺我心目中,已經係『完美』。」

Bob續說:「各位,搞我好啦,放過我屋企人啦,唔該晒!By the way,佢係瘦咗,又靚咗。」

(即時娛樂)