UA Cinemas（娛藝院線）今早在官方網站公布，稱由於疫情及長期的經營壓力，遺憾宣布全線結業。寰宇電影公司負責人林小明回覆《明報》時表示，對UA院線結業感可惜，他說：「UA都頂唔順，真係大鑊，疫情重創香港電影圈。依家電影圈冇前景，戲院重開，票房都做唔起，租金同宣傳費又冇減。香港戲院已經唔多，依家少咗條UA院綫，將來排片唔知點算，喺大檔期多戲上映時候，就唔夠戲院。將來公司拍咗片，排期上映都有難度。
UA結業對我都有影響，上映中嘅《拆彈專家2》收唔到錢，佢現在清盤，先出糧畀員工，然後到銀行同債主，就算分到落嚟畀我，又分到有幾多？蝕咗都冇辦法，好彩其他戲院無話結業。唉，依家喺香港搞電影真係好痛苦，真係好難做，睇唔到前景。」
相關新聞：UA院線結業｜吳思遠感心噏 嘆疫情兼租金貴致經營困難
相關新聞：田啟文對UA戲院全線結業感震驚 憂影響投資者來港拍戲
