傅嘉莉（Kelly）昨天在社交網發文，自爆前天在旺角花墟遇到露體狂，惟當時她被嚇呆，結果放走了露體狂，又自責當時沒有舉報對方。
她寫道：「昨（前）天約咗朋友喺旺角花墟某店，我一落車便望着電話上的地址搵門牌，街上人來人往，我一邊睇手機一邊搵方向，我忽然向下望電話之際，我望到一個男士的下體，當刻我也質問自己，怎麼可能？但當我再望，他是有著衫同褲，原來只是褲冇拉鏈就這樣放了出來，我當刻停咗腳步，完全呆定了，我真的冇睇錯，他的確在公眾地方『露械』，但我不知道應該要點做，應該大嗌﹑應該同其他人講﹑應該上前同這位男士講你唔可以咁做，定係佢只係唔記得拉返條拉鍊，我就咁呆企了幾十秒，這刻望周圍的人，冇人察覺到他的行為，我就這樣俾佢離開咗。」
Kelly表示事後跟朋友提及此事，大家反應都沒有她那樣大，不過這畫面在她的腦海揮之不去：「我喺度質問自己點解當時唔舉報佢，如果其他小朋友睇到呢個畫面，會唔會令到他們有童年陰影，畢竟花墟也是一家大細也會去的地方，如果再又下一次咁嘅事情，我應該點做？」
