江嘉敏最近成了話題女藝人，有網民將她和其母敷面膜的相截圖，並發現疑是「江媽媽」用來罵人的帳號，截圖內見到有人留言稱：「馮盈盈靚過你好多喎！你加唔加filter都係咁嘅樣」，疑似「江媽媽」帳戶即留言「瘋狗症加肺炎，係唔係行錯地方講錯嘢？」。
另一張截圖則見到有人留言：「呢個節目搵你做主持相當適合，扮單純的心機婊」，疑似「江媽媽」即回覆：「原來世界上真係有你呢啲垃圾人存在嘅，肺炎等緊你啦！」事件引來網民熱議，事後江嘉敏在Ig限時動態發文鬧爆：「我唔理妳係我背後講乜又好做乜都好，我理得你又利用我玩我屈我暗串我耍盡機心。我講多一次，你搞我就搞我！你唔好搞我屋企人，明唔明？！」不過後來又秒速刪掉該帖文。
江嘉敏受訪時否認網民所指的帳號是江媽媽，又表示有人刻意針對自己，她表示事件已侵犯其底線，因攻擊了她的家人。
