車婉婉帶囝囝飲茶分散注意力 BBQ狂食馬拉糕「療傷」 (12:47)

文章日期:2021年03月16日

車婉婉昨天揭囝囝BBQ額頭「起樓」和面部有瘀傷,身為媽媽的婉婉感肉痛又內疚,她更自責表示「對唔住阿仔」。

婉婉今日凌晨在社交網貼了囝囝吃馬拉糕「療傷」照,婉婉寫道:「今(昨)日起身,BBQ先生係咁話比MaMa知,個面珠同個下巴痛痛...為咗分散佢嘅注意力,Q氏決定...去飲茶,而BBQ先生第一件事就叫咗籠馬拉糕,相信,馬拉糕的確喺佢心目中,有著崇高嘅地位。

BBQ先生今(昨)日食咗1個叉燒包、1個雞包、1件蝦餃、1件燒賣、咸水角、春卷、腸粉、牛肉球....仲有半底馬拉糕,見到佢食得咁開心,Q MaMa同Q PaPa都好高興,希望藥到病除,Speedy Recovery。 #受傷bbq #吃貨BBQ #飲茶真係好開心 #有得飲茶好幸福 #馬拉糕治療法 #好治癒 #佢仲食得多過我 #見到馬拉糕含情脈脈 #救命」。

相關新聞:囝囝BBQ額頭面珠有瘀傷 車婉婉自責失職:肉痛又內疚

(即時娛樂)