早前在YouTube開設自家頻道的金燕玲自爆患乳癌，今午她在YouTube放了新片，表示昨天去看醫生，醫生告訴她不用做化療，她說：「要做20次電療及食藥控制病情。」
金燕玲在片中介紹專為癌症病人使用頭巾的網站，她還展示古巨基太太Lorraine送給她的冷帽，她大讚：「因為當你冇頭髮時，個人會好凍，出街要戴帽，呢頂係古巨基太太幫我喺日本買返嚟嘅冷帽，好舒服，日本物料比較優勝。」
金燕玲又指之前試過綁頭巾，但因為五顏六色難襯衫兼且較難綁，「我唔似外國人咁深輪廓，又要諗埋自己妝容，我希望香港有人專門做呢啲畀癌症病人使用嘅頭巾，頭巾呢件事係值得投資，亦應該有人要做」。
金燕玲表示獲朋友提醒她要注意飲食，她說：「我知道今次係由於荷爾蒙嘅問題所引致嘅，所以飲食要注意，比如食雞一定要食無激素雞，燕窩一定唔食得，花膠都唔可以食得多，簡單嚟講任何美容食物都不宜多吃。」
相關新聞：兩年前患子宮癌飽受煎熬 金燕玲再患乳癌︰幸運沒擴散
