由鄭丹瑞（阿旦）主持的《健康‧旦》早前公布，獲得張國榮（哥哥）經理人陳淑芬，以及摯愛唐鶴德（唐唐）答應，將於4月1日哥哥忌辰當晚，播放《想你 張國榮》音樂會，阿旦及演唱會總監蕭潮順隨即聯絡哥哥生前好友，擔任演出嘉賓。除了莫文蔚和張智霖答應演出外，阿旦再公布演出嘉賓，包括已邀請李克勤和歌神許冠傑（Sam）演出。
克勤接受阿旦訪問時說：「我同哥哥嘅相處，曾經有段時間，因為一啲共同朋友，大家都有聯絡見面﹑食飯同唱K，佢畀我印象最深刻，係我同佢唱K時，佢當時處於封咪階段，我覺得好似『中獎』，喺卡拉OK聽到哥哥唱歌，佢仲唱我首《大會堂演奏廳》，仲話歌可以咁樣唱，唔一定用你嗰個方法唱，佢袋咗好多錢落我袋，喺我好多次演唱會，我都有翻唱哥哥嘅歌，當晚會揀《為你鍾情》，我喺2003年香港演唱會有揀嚟唱，係我好鍾意一隻歌。」
